Көрме • 14 Мамыр, 2024

Іскерлік ынтымақтастық мүмкіндігі

55 рет
көрсетілді
2 мин
оқу үшін

Тегеран Халықаралық көрмелер кешенінде Иран Ислам Республикасының VI экспорттық мүмкіндіктері көрмесі өтті. Оған бес құрлықтың 96 елінен 700 сауда және инновациялық компанияның өкілдері, 2200-ден аса кәсіпкер мен экономика саласының сарапшы-маманы қатысты.

Іскерлік ынтымақтастық мүмкіндігі

Сондай-ақ іс-шараға 40 елдің жоғары лауазымды саяси және экономикалық қайраткерлері қатысып, түрлі коммерциялық компаниялар арасында жүздеген келісімге қол қойылды. Бұл ретте Қазақстаннан жеке сектор­дың да көрмеге белсенді қатысуы екі­жақты экономикалық ынтымақтастықты нығайту үшін өте маңызды болды. Көрме ая­сын­дағы іс-шаралардың бірі – Иран-Қазақстан бірлескен сауда және өнеркәсіптік палатасы ұйым­дастырған 300 компания өкілдерінің қатысуымен өткен іскерлік кездесу.

Кездесу барысында қол жеткізілген келісімдер екі ел арасындағы ынтымақтастықтың бірлескен Жол картасын жүзеге асыру үшін аса қажет. Оның негізінде тауар айналымын 3 миллиард долларға дейін жет­кізу жоспарланып отыр. Иран мен Қазақстан жоғары лауазымды тұлғаларының іскерлік ынтымақтастықты кеңейту және екі елдің Үкіметаралық комиссиясы отырыстарының 19-кезеңінің өткізілуі екі ел ара­сындағы берік жігер мен эко­номикалық ынтымақ­тастықтың жарқын келешегін көрсетеді. Ал жеке сектор бұл ретте қозғаушы күштің қызметін атқарып отыр.

Иран мен Қазақстан арасын­дағы іскерлік ынтымақ­тастық­ты кеңейту шарттарының бірі – екі елдің мемлекеттік және жеке секторларының өзара мүмкіндіктері туралы танымын арттыру. Екі елдегі мұндай іс-шараларға, әсіресе, мамандандырылған көрмелерге белсенді қатысу қос тараптың экономикалық белсенділері­не өз өнімдерін өткізу кезін­де баға, сапа және қолай­лы қолжетімділік сияқты басқа да сауда артықшылықтарын пайдаланудың жақсы мүмкіндігі екені даусыз.