Фото: kaz.inform.kz
Қазақстан бочча федерациясының президенті, Сенат Төрағасы Мәулен Әшімбаев ұлттық құрама жазғы Азия Пара ойындарына қатысу жолдамасын алғаш рет иеленгенін айтты.
«Спортшыларымыз Ханчжоуда жаттығуларын өткізіп, дайындықтарын пысықтап жатыр. Жеребе тартудың нәтижесінде біздің команда Қытай, Корея, Жапония, Таиланд және Иран құрамаларымен бір топқа түсті. Алдағы жарыста атлеттерімізге жеңіс тілейміз. Соңғы уақытта бочча спорты ел көлемінде қарқынды дамып келеді. Қазірдің өзінде спортшыларымыз бірқатар халықаралық жарыстарға қатысып үлгерді. Қызығушылардың да қатары айтарлықтай артып келе жатқанын атап өткен жөн. Қазақстан бочча федерациясы алдағы уақытта да боччашыларымызға қолдау көрсетіп, осы бағыттағы жұмысты жүйелі түрде жалғастыра береді», деді М.Әшімбаев.
Қытайдың Ханчжоу қаласында өтетін ІV жазғы Азия пара ойындары 28 қазанға дейін өтеді.
