10 қыркүйекте өз бастауын алған ауқымды жоба Көкшетау, Петропавл, Қостанай және Қарағанды қалаларын артқа тастап, Павлодар қаласына табан тіреді. 10 қарашаға дейін еліміздің барлық облысын аралап шығатын жобаның мақсаты – өңірлерде шахмат қозғалысын насихаттау.
«Шахмат керуені» жобасы аясында Қазақстан шахмат федерациясының Павлодар облыстық филиалы ашылып, оның төрағасы болып кәсіпкер Артур Шпейзер тағайындалды. Сондай-ақ «Ertis Promenade» алаңында тігілген мобильді киіз үйде жергілікті спортшылар арасында шахмат турнирі ұйымдастырылды. Нәтижесінде, жарыс жеңімпазы атанған 33 жастағы Бақыт Жанғабылов 10 қарашада Түркістанда өтетін жобаның гранд-финалына жолдама алды.
