Кәсіби теннисшілер қауымдастығы (ATP) жариялаған рейтингке сәйкес Бейбіт Жұқаев 256-дан бірден 236-орынға көтерілді.
Осыдан екі апта бұрын 325-сатыда тұрған Бейбіт Литтл-Рок (АҚШ) челленджер турнирінде финалға, сонымен қатар Пуэрто-Рикода Пальмас дель Марда жартылай финалға жетіп, біліктілігін арттырды.
Қазақстанның бірінші ракеткасы Александр Бублик 47-ден 48-ге, Тимофей Скатов 135-тен 137-ге, ал осының алдында Б.Жұқаевтың алдында тұрған Михаил Кукушкин 252-ден 258-ге төмен түсті. Денис Евсеев 309-ыншы, Дмитрий Попко 344-орынға жайғасты.
Сондай-ақ жұптық сында Александр Недовесов көрсеткішін жақсартып (+6), әлемнің 53-ракеткасы атанса, Андрей Голубев – 86, Григорий Ломакин 246-сатыда тұр.
