Досхан Қайрғазиновтың айтуынша, Жеңіс күніне орай облыстағы 17 Ұлы Отан соғысының ардагері біржолғы материалдық көмек ретінде бір жарым миллион теңгеден алған. Сондай-ақ Ұлы Отан соғысына қатысушылар мен мүгедектерге теңестірілген адамдарға 100 мың теңгеден берілген.
Сонымен қатар Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталған облыс тұрғындары да 100 мың теңгеге ие болды. Өңірде бұл санаттағы 113 адам бар. Ал наградталмаған 5601 адамға мереке құрметіне 50 мың теңгеден төленді.
Досхан Қайрғазиновтың айтуынша, мерекеге орай бюджеттен төленетін төлемдердің жалпы сомасы 530 миллион теңгеден асады.
