Чемпионатқа еліміздің түкпір-түкпірінен 150-ге жуық мерген – 7-9 жас, 10-12 жас, 13-15 жас, 16-18 жас аралығындағы қыздар және ұлдар қатысады.
Жарыс үш түрлі нысана негізінде өткізіледі: Пута нысанасы (5 оқтан 5 мүмкіндік), Орта Азия нысанасы (5 оқтан 5 мүмкіндік) және Жамбы нысанасы (5 оқтан 3 мүмкіндік). Жас ерекшеліктеріне байланысты әр нысананың арақашықтығы әртүрлі. Атап айтсақ:
7-9 жас – 10 метр (ұлдар мен қыздар бөлек)
10-12 жас – 15 метр (ұлдар мен қыздар бөлек)
13-15 жас – 20 метр (ұлдар мен қыздар бөлек)
16-18 жас – 25 метр (ұлдар мен қыздар бөлек)
Чемпионаттың ұйымдастырушылары – Ұлттық спорт қауымдастығы, «Sadaq Aty» республикалық дәстүрлі садақ ату федерациясы. Мәдениет және спорт министрлігінің Спорт және дене шынықтыру істері комитеті мен Астана қаласы әкімдігі қолдау білдіреді.
Жеңімпаздар медельдармен, дипломдармен марапатталады.
Іс-шара «KazTuran Sport» кешенінде ұйымдастырылады.
