Қоғам • 25 Наурыз, 2023

Мүфтият Жанат Бақыттың жазбаларына қатысты мәлімдеме жасады

3995 рет
көрсетілді
1 мин
оқу үшін

Мүфтият журналист Жанат Бақыттың әлеуметтік желіде айтқан сөздеріне қатысты  мәлімдеме жасады, деп хабарлайды Egemen.kz.

Мүфтият Жанат Бақыттың жазбаларына қатысты мәлімдеме жасады

«Әлеуметтік желідегі Жанат Бақыт деген журналистің Алла тағала туралы айтқан ауыр сөздері мұсылмандар арасында түсініспеушілік тудырды. Осы орайда Қазақстан мұсылмандары діни басқармасына әр өңірден түрлі пікір, наразылық білдірген хаттар келіп жатыр. Жалпы Алланың атынан жалған сөйлеу - өте ауыр күнә. Алла тағала қасиетті Құранның  Ән'ам сүресінің 144-аятында «Адамдарды надандықпен адастыру үшін Алланың атынан жалғанды жалпағынан басатын пендеден өткен залым бар ма?» деп баяндаған. Алла сақтасын, Құдай атынан жалған сөйлеуден ауыр іс жоқ. Әсіресе Рамазан айында осындай келеңсіз сөзді айту мен үшін де ауыр», деді ҚМБД төрағасының орынбасары, наиб мүфти Ершат Оңғар.

Ершат Оңғар халық тарапынан сұрақ жиі қойылып, наразылық білдіріп жатқаннан кейін мүфтият атынан ресми мәлімдеме жасауға мәжбүр болғанын айтты.

«Хәкім Абай «Алла тағала - өлшеусіз, біздің ақылымыз - өлшеулі. Өлшеулімен өлшеусізді білуге болмайды» деп айтқан. Осы ретте барша мұсылман қауымын, барша отандасымызды журналист Жанат Бақыттың сөзіне еріп, дәстүрлі сенімімізге селкеу түсіріп, ел ішінде арандатушылық тудырудан сақ болуға шақырамыз. Қасиетті Рамазан айында мұндай ауыр сөз айтып, ел ішінде наразылық тудырып алудан сақ болайық. Тұтқан ораза қабыл болсын. Еліміз аман, жұртымыз тыныш болсын. Алла тағала тәуелсіздігімізді баянды етсін», деді ол.

Соңғы жаңалықтар

Су үнемдейтін қондырғы

Технология • Кеше