Сарапшылардың мәліметінше, бағаның өсуі бірінші Жамбыл облысында (плюс 2,5%), екінші Қостанай облысында (плюс 2,5%), үшінші Түркістан облысында (плюс 2,4%) байқалды. Ал ең аз ай сайынғы баға өсімі Шымкент қаласында (плюс 0,7%) тіркелді.
Energyprom.kz жазғандай, жылдық динамика бойынша бағаның өсуін көбіне Маңғыстау облысының тұрғындары сезінді (плюс 31,6%).
Сондай-ақ 2022 жылдың желтоқсанында жемістер мен көкөністер айына 5%-ға, жылына 21%-ға қымбаттады. Оның ішінде жылдық динамика бойынша жаңа піскен көкөніс 19,2%-ға, жаңа піскен жеміс 20,2%-ға қымбаттады.
Сонымен қатар сарапшылар сүт өнімдері бір жылда 31,3 пайызға қымбаттағанын нақтылап отыр. 2021 жылдың желтоқсанымен салыстырғанда ет және ет өнімдері 16,6%-ға қымбаттаған. Бірінші санаттағы жұмыртқа жылына 22,9%-ға қымбаттап, он жұмыртқаның құны 481 теңгеге дейін өсті.
Макарон өнімдері бағасының жыл сайынғы өсуі 42%-ды құрады.
