Алматы облысы прокуратурасының мәліметінше, Іле, Қарасай, Талғар, Еңбекшіқазақ облыстары мен Қонаев қаласы әкімдіктерінің басшылары әкімшілік жауапкершілікке тартылды. Олардың әрқайсысына 100 АЕК (306 300 теңге) көлемінде айыппұл салынды.
Алматы облысы аумағында өздігінен пайда болатын 351 қоқыс үйіндісі анықталды. Атап айтқанда, Еңбекшіқазақ ауданында – 61, Іледе – 91, Қарасайда – 56, Талғарда – 33 және Қонаев қаласында – 85. Оның ішінде 247 үйінділер жойылды, 104-і жойылмады.
«Жергiлiктi атқарушы органдар тарапынан бақылаудың жоқтығынан үйiндiлер ұзақ уақыт бойы жинақталады, бұл көптеген келеңсiз зардаптарға әкеп соғады: топырақ пен ауаның ластануы, санитарлық жағдайдың нашарлауы», деді Алматы облысының прокуратурасынан.
Сондай-ақ желтоқсанның 26-сы күні «Нұрлы жол» вокзалының маңында ірі гипермаркет маңында рұқсат етілмеген медициналық қалдықтар үйіндісі анықталған еді.
