Қоғам • 27 Қараша, 2022

Алты жүзден астам сарбаз Отан қорғаушылар қатарына қосылды

47 рет көрсетілді

«Шығыс» өңірлік қолбасшылығына қарайтын Абай, Аягөз және Үшарал гарнизондарында, сондай-ақ Қонаев қаласында әскер қатарына жаңа келгендердің ант қабылдау рәсімдері салтанатты түрде өтті, деп хабарлайды Egemen.kz.

Жексенбі күні Шығыс Қазақстанда аяз болғанына қарамастан, климаттық жағдайларға үйреніп, әскердің тіршілігіне төселіп келе жатқан сарбаздарға бұл жағдай кедергі болмады. Шараға қонақтар ретінде сарбаздардың туыстары мен жақындарының келуі олардың жауынгерлік рухын нығайтты.

– Бүгін сендер әскери ант бердіңдер. Осы сәттен бастап «Отан қорғаушы» ұғымы сендер үшін ерекше мағынаға ие. Армияның қуатын арттыру арқылы сендер кез келген қиындықты жеңуге көмектесетін қасиеттерді бойларыңа сіңіресіңдер. Біз сендерге сенеміз. Отан қорғау жолындағы қызметтеріңе сәттілік тілейміз, – деді жас сарбаздарға Аягөз танк құрамасының командирі подполковник Дәулет Сүттібаев.

Ант қабылдау рәсіміне дейін әскерге шақырылушылар бір айлық жас жауынгердің курсынан өтті. Олар дене шынықтыру және саптық дайындықпен айналысты, жалпыәскери жарғыларды, қарудың материалдық бөлігін және онымен жұмыс істеу ережелерін үйренді, алғашқы практикалық атыстарын орындады.

– Бұл күнге біраз дайындалдық. Әрине, толқу болды, бірақ бір-бірімізді қолдау оны жеңуге көмектесті. Әскер жинақталуға және мұқият болуға үйретеді, мұнда бәрі күнделікті тәртіпке бағынады. Бұл тәжірибе маған пайдалы болады деп ойлаймын, – деп бөлісті Тараздан шақырылған сарбаз Ислам Бейбарыс.

Әскери бөлімдерге елдің әртүрлі аймағынан салтанатты түрде ант қабылдау рәсіміне келген сарбаздардың ата-аналары мен туыстары да бірге толқуды сезінді. Олар үшін ұлдарының қызмет жағдайын өз көздерімен көру, командирлерімен және әріптестерімен танысу маңызды болды.

– Бір айдан бері менің ұлым Айбол Серік Аягөзде қызмет етіп келеді. Ант беруге шақырғандарына қуандым. Мен олардың қызмет орнының шынайы жағдайын өз көзіммен көргім келді. Бізге бәрін көрсетіп, егжей-тегжейлі айтып берді. Енді мен балаларымыздың қайда тұратынын, не үйренетінін, қалай тамақтанатынын жақсы білемін. Олар үйлеріне аман-есен оралсын, – деді Алматы облысының тұрғыны Жанар Сепбосынова.

Әскери ант қабылдағаннан кейін әскерге шақырылушылар бөлімшелерге бөлініп, әскерден алған мамандықтарына сәйкес жауынгерлік даярлыққа кіріседі.

Соңғы жаңалықтар

Дипломатияның даму жолдары

Саясат • Бүгін, 08:58

Сөз өнерінің суреткері

Қоғам • Бүгін, 08:50

Еңбек құқығы қорғалады

Еңбек • Бүгін, 08:45

Су басу қаупі жоқ

Төтенше жағдай • Бүгін, 08:40

Ауылға әл беретін несие

Ауыл • Бүгін, 08:30

Бағыты айқын «Respublica»

Партия • Кеше

Ауыл жоқшысы

Отбасы • Кеше

Парасатты полиция

Қоғам • Кеше

Іс көп, судья аз

Құқық • Кеше

Аспалы жолда абайла!

Аймақтар • Кеше

Апатты жағдайдың алдын алды

Төтенше жағдай • Кеше

Тасқынға – тосқын

Аймақтар • Кеше

Сағи жыры

Әдебиет • Кеше

Мәңгіліктің елесі

Әдебиет • Кеше

Бір ойында – 11 гол

Спорт • Кеше

Ұқсас жаңалықтар