Портал мәліметінше, Пәкістанда маусым айының ортасынан бері жалғасып келе жатқан су тасқынынан кемінде 1208 адам қаза тауып, 6082 адам зардап шеккен.
Бұл туралы бейсенбі күні кешке жарияланған Төтенше жағдайларды басқару ұлттық басқармасының (NDMA) баяндамасында айтылған.
Пәкістанның денсаулық сақтау қызметі ең көп зардап шеккен аймақтарда тері және ішек инфекциялары тарай бастағанын ескертеді.
Пәкістандағы табиғи апат 33 миллион адамға зардабын тигізіп, 1 миллионға жуық үйді қиратқан.
Бұған дейін Пәкістан премьер-министрі Шахбаз Шариф елде соңғы онжылдықта алғаш рет толассыз нөсер жауын салдарынан болған алапат су тасқыны болып жатқанын айтқан еді. Оның айтуынша, жаңбырдан келген мұндай орасан шығын соңғы 30 жылда болып көрмеген.
