«Алматыда мемлекеттік төңкеріске, Мемлекет басшысын лауазымынан ығыстыруға талпыныс болды. Олар адамдарды әкімшілік ғимараттарға бастап барды. Осы оқиға кезінде 3 мыңнан астам қару ұрланды. Олардың басым бөлігі әлі күнге дейін қолда жүр. Тергеу жұмыстары оңай болып жатқан жоқ. Себебі осы оқиғаның ұйымдастырушылары мен үйлестірушілері кәсіби дайындалған адамдар», деді Қасым-Жомарт Тоқаев.
Дегенмен, Мемлекет басшысының атап өтуінше, ведомствоаралық арнайы топ мемлекеттік төңкеріс жасауға бағытталған осынау талпыныстың барлық мән-жайын ашу үшін табанды түрде жұмыс істеп жатыр.
«Алматыға өте қатыгездікпен шабуыл жасалды. Адамдар өте қатты зорлық-зомбылыққа ұшырады. Үлкен базарлардан келген мародерлер өте көп болды. Алматы әкімдігі мен Президент резиденциясының өртенгенін айтып та отырғаным жоқ. Алматыда орын алған оқиғаны жеңілдетуге болмайды», деді ҚР Президенті.
Қасым-Жомарт Тоқаев трагедия ауқымының үлкендігін және қысқа мерзімде барлық мән-жайды ашу қиындығын айтты.
