Астананың коммуналдық қызметтері қоршауларды, көпірлерді, ескерткіштерді, тротуарларды және басқа да нысандарды жуып тазалап жүр. Елорданың коммуналдық қызметтері күн сайын қаланың төрт ауданында санитарлық тазалау жұмыстарын жүргізеді. Саябақтар, гүлзарлар, алаңдар, аула аймақтары қоқыстан тазартылады, тротуарлар мен жолдар, аялдамалар, қоршаулар және басқа да осындай орындар жуылып тазаланады, сондай-ақ көгалдандыруға ерекше көңіл бөлінеді.
Тазалау жұмысына екі мыңға жуық жол қызметкері мен 500-ден астам арнайы техника жұмылдырылды.
