Арыз берушінің айтуынша, ол отбасында бала күтуші болып жұмыс істейтін 35 жастағы әйелден күдіктенген. Күдікті әйел арызданушыда биылғы жылдың тамыз айынан бастап жұмыс істеген. Пәтер иелерінің жоқтығын пайдаланып, ол жатын бөлмесіндегі сөмкеден ақша ұрлаған.
Жедел іздестіру шаралары барысында күдікті әйел тұрғылықты жері бойынша көп ұзамай ұсталды. Әйелден ұрланған ақша табылып, тәркіленді. Әйел 2 мың долларды айырбастап алған, бірақ ұрланған ақшаны пайдаланып үлгермеген.
Аталған факті бойынша сотқа дейінгі тергеу амалдары жүргізілуде. Күдікті өз кінәсін мойындады. Елорда аумағында бұрын жасалған осыған ұқсас қылмыстарға оның қатысы бар-жоғы тексерілуде.
