Әлемдік БАҚ қазақстандық спортшының кәсіби деңгейде өнер көрсетуінің аяқталуы туралы хабарламаларға толы.
«Ресми түрде Ярослава Шведова мансабын Astana WTA 250 турнирінен кейін аяқтауды жоспарлап отыр. Бұл турнир 2021 жылдың 27 қыркүйегі мен 2 қазан аралығында Нұр-Сұлтан қаласында өтеді», деп хабарлады Қазақстан теннис федерациясының өкілдері.
Сондықтан қазақстандық жанкүйерлер Ярослава Шведованың ойынын әлі де тамашалай алады.
Шведова Англия мен АҚШ-тың 2010 жылғы Ашық чемпионаттарының, WTA турнирлерінің жеңімпазы атанған.
