«Мемлекет басшысының халықтың әл-ауқатын арттыруға бағытталған 5 бастамасын іске асыру мақсатында келесі іс-шаралар іске асырылатын болады. Біріншіден, ең төменгі жалақы 2022 жылдың 1 қаңтарынан бастап 60 мың теңгеге дейін ұлғайтылады», деді Әсет Ерғалиев Үкімет отырысында.
Екіншіден, бизнесті өз қызметкерлерінің жалақысын арттыруға ынталандыру шаралары әзірленетін болады.
«Үшіншіден, ЕТҚ жүктемесін 2023 жылдан бастап 34%-дан 25%-ға дейін төмендетуді көздейтін микро және шағын бизнес үшін еңбекақы төлеу қорынан бірыңғай төлемді енгізу жоспарлануда. Төртіншіден, азаматтық қызметшілердің жекелеген санаттарының жалақысын жыл сайын 2022 жылдан 2025 жылға дейін 20%-ға ұлғайту көзделіп отыр. Бесіншіден, ең төменгі жеткіліктілік шегінен жоғары зейнетақы аударымдарының бір бөлігін Тұрғын үй сатып алу үшін «Отбасы банкіндегі» шотқа аудару мүмкіндігі берілетін болады», деп атап өтті министр.
