Бұл ереже Бас мемлекеттік санитарлық дәрігердің 3 қыркүйектегі жаңа Қаулысында бекітілген.
Құжатқа сәйкес, Қазақстан аумағына кіру үшін шетелдік студенттерден келесілер талап етіледі:
- Венгрияның, Таиландтың, Моңғолияның, Грузияның, Қырғызстанның және Молдованың уәкілетті органы берген паспортымен/сертификатымен/вакцинация анықтамасымен расталған COVID-19-ға қарсы вакцинациялау:
- Алынған сәттен бастап Қазақстан Республикасының Мемлекеттік шекарасын кесіп өту сәтінде 3 тәуліктен аспайтын уақыт өткен ПТР әдісімен COVID-19-ға тестілеудің теріс нәтижесі.
«Интернаттар мен жатақханаларда тұратын студенттердің 14 күндік карантинде оқшауланған уақытта тұрақты тұратын жерлеріне немесе басқа жерлерге баруына жол берілмейді», делінген құжатта.
