Сондықтан да отан алдындағы борышын өтеп, Қазақстан қарулы күштері қатарында қызмет етуге қызығушылық танытпай жүрген жастармен кездесіп, түсіндіру жұмыстарын жүргізу қажетті шаралардың бірі.
Ақтау қаласы Полиция басқармасы, әкімдік және жергілікті әскери басқару органы өкілдері әскери қызметке барудан жалтарғандарды анықтауға білек сыбана кіріскен сыңайлы.
«Ақтау қаласы Полиция басқармасы, әкімдік және жергілікті әскери басқару органы өкілдерімен Ақтау қаласында мерзімді әскери қызметке шақырудан жалтарған, сондай-ақ әскерге шақыру пунктіне шақырту бойынша келмеген жастарды іздестіру үшін бірлескен рейдтік іс-шаралар жүргізілді. Нәтижесінде 7 адам анықталып, әскерге шақыру пунктіне жеткізілді», делінген Маңғыстау облыстық полиция департаменті таратқан хабарламада.
