Баланың денесі 29 сәуір күні таңертең жеке тұрғын үйдің кәріз құдығынан табылған.
«Қажетті сот-медициналық сараптамалары тағайындалды. Баланың денесінде зорлық-зомбылықтың белгілері байқалмайды. Тергеу басталды, барлық тергеу әрекеттері менің құзырымда болады. Кішкентай Әлтаирдың ата-анасы мен туыс-туғандарына көңіл айтамын», деді Қызылорда облыстық полиция департаментінің басшысы, полиция полковнигі Сұлтан Бектөре.
Еске салайық, 27 сәуір күні Қызылордада алты жасар баланың жоғалып кеткендігі туралы хабарланған болатын. Ол серуенге шығып, үйіне қайтып оралмаған.
