Облыстық денсаулық сақтау басқармасының хабарлауынша, 1972 жылғы науқастың 13 маусымда дене қызуы көтеріліп, тыныс алуы қиындап, аздаған жөтелмен Жылыой аудандық ауруханасына жүгініпті. Дәрігерлер науқасты провизорлық бөлімге жедел жәрдем көлігімен жеткізіпті. Науқасқа жасалған КТ сараптамасының қорытындысында өкпесінің 50%-ы қабынғаны расталыпты.
"Жағдайының ауырлығына байланысты инфекциялық аурухананың бокс палатасына жатқызылып, көмек көрсетілді. Облыстық аурухана дәрігерлерінің кеңесімен өкпені жасанды желдету аппаратына қосу туралы шешім қабылданды. Алайда, дәрігерлер тарапынан жасалған көмекке қарамастан, науқас 15 маусым күні қайтыс болды", - деп хабарлады облыстық денсаулық сақтау басқармасынан.
Науқастың бұрын денсаулығына байланысты есепте тұрмағаны анықталып отыр.
Атырау облысы
