Аймақтар • 15 Сәуір, 2020

Оралда ертеңнен бастап барлық базар жабылып, қоғамдық көлік тоқтайды

1055 рет
көрсетілді
1 мин
оқу үшін

Батыс Қазақстан облысында коронавирус індетіне шалдыққандар саны 18-ге жетті. Соңғы тәулікте анықталған 5 адам - Ресей Федерациясынан жұмыстан келген, оның төртеуі батысқазақстандық, екеуі – ақтөбелік тұрғындар.

Оралда ертеңнен бастап барлық базар жабылып, қоғамдық көлік тоқтайды

- Бүгінгі күні облыстық жұқпалы аурулар ауруханасында 17 науқас емделіп жатыр. Біреуі жазылып шықты. Батыс Қазақстан облысында осы кезге дейін тіркелген 18 оқиғаның 14-і бұл инфекцияны облыс аумағынан тыс жерден жұқтырып келсе, 4 оқиға осы адамдармен жақын қарым-қатынаста болудан жұққан, - деді Батыс Қазақстан облыстық тауарлар мен көрсетілетін қызметтердің сапасы мен қауіпсіздігін бақылау департаментінің басшысы Мұхамғали Арыспаев.

Облыстың бас санитар дәрігері мәлімдеген басты жаңалық - 16 сәуірден бастап облыста карантиндік шаралар одан әрі күшейтілетіні болды. Яғни ертеңнен бастап Орал қаласындағы барлық қоғамдық көлік – автобустар тоқтайды. Облыс аумағындағы барлық банк бөлімдері, Қазпошта бөлімшелері жұмысын уақытша тоқтататын болды. Облыс аумағындағы барлық базар жұмысын тоқтататын болады. Айта кетейік, бұған дейін азық-түлік базарлары қызмет көрсетіп тұрған болатын.

«Бұл шараның бәрі адамдардың қозғалысын шектеу мақсатында жасалып отыр. Егер бұл ережені сақтамасақ, коронавирустық инфекцияның тарауын тоқтата алмаймыз» деді Мұхамғали Арыспаев.

 

Батыс Қазақстан

Соңғы жаңалықтар

Жарыс күнделігі

Спорт • Бүгін, 08:50

Ақ жол, Әліби!

Спорт • Бүгін, 08:45

8 алтын, 4 күміс, 4 қола

Бокс • Бүгін, 08:40

Ізгілік жолындағы ілкімді қадам

Аймақтар • Бүгін, 08:30