Елбасы кеше Парламентте сөйлеген сөзінде де, сот бақылауын кеңейтуге, адвокатураның рөлін және соттағы сөз жарыспалылығын арттыруға байланысты проблемаларға ерекше назар аударды.
Судьялар корпусы Мемлекет басшысы жариялаған реформаларды толық қолдайды. Ведомствоаралық жұмыс тобы аясында біз күдіктілерді сотқа дейін қамауда ұстау мерзімін 72 сағаттан 48 сағатқа дейін қысқарту, барлық жасырын тергеу іс-қимылдарын соттың санкциялауы сияқты маңызды бастамаларды енгіздік.
Германия, Эстония, Ұлыбритания және Грузия тәрізді елдердің озық сот тәжірибесін зерделеп, тың іс-қимылдарға әзірленудеміз.
Бұған қоса, Ұлт Жоспары шеңберінде Жоғарғы Соттың жанынан құрылған Халықаралық кеңестің ұсынымдары өте маңызды. Кеңес мүшелері адвокатура институтын дамыту шараларына қатысты өздерінің ойларын ұсынып отыр.
Сот кадрларына қатысты да ауқымды жұмыс жүргізілуде. Бес жылда кемінде бір рет барлық судьялардың біліктілігі тексерілетін болды. Судьялар Сот төрелігі академиясының базасында өздерінің білімдерін әрдайым арттырып отырады. Сот әділдігін жүзеге асырудың бүкіл процесі ақпараттық жүйеге тіркелді. Мұның бәрі заң үстемдігін іс жүзінде қамтамасыз етуге бейімделген заманауи жаңалықтар деп айтуға лайық.
Елбасы жариялаған бүгінгі реформаларда өте өзекті және де азаматтардың конституциялық құқықтарының қорғалу кепілін одан әрі күшейтетін болады.
Президент елімізді Экономикалық ынтымақтастық және даму ұйымы (ЭЫДҰ) елдерінің ең озық халықаралық стандарттарына жетелейтін айқын әрі нақты тетіктерді белгілеп берді.
Қайрат МӘМИ,
Жоғарғы сот төрағасы
