Отырыс барысында қазіргі кездегі ғылымды дамытудың басым бағыттары, сондай-ақ, ғылымды одан әрі қаржыландыру мәселелері мен елімізде фармацевтикалық кластерді дамыту мақсатында әзірленген Білім және ғылым министрлігінің «2018-2020 жылдарға арналған бірегей дәрі-дәрмектерді әзірлеу мен оларды зерттеу нәтижелерін коммерцияландыру» бағдарламасының ғылыми-техникалық жобасы талқыланды.
Еске сала кетейік, Үкімет жанындағы Жоғары ғылыми-техникалық комиссия Үкімет қаулысымен 2011 жылғы 20 сәуірде құрылған және ол – Қазақстан Үкіметі жанындағы консультативтік-кеңесші орган. Комиссия отырыстары қажеттілігіне байланысты жылына кем дегенде екі рет өткізіледі.