«Реал» өз рекордын жаңартты (видео)

Испания чемпионатының кейінге шегерілген 16-турында Мадридтің «Реалы» «Месталья» стадионында «Валенсия» командасымен кездесіп, 1:2 есебімен есе жіберді. Дегенмен, алғашқы таймның соңына таман Криштиану Роналдудың соққан голы «корольдік клубтың» кезекті рекордына себепші болды. Мадридтік ұжым осымен 43 ойында қатарынан гол соғып, өз рекордын жаңартты. Ал соңғы рет өткен жылдың 26 сәуірінде Чемпиондар лигасының жартылай финалында «Манчестер Ситиге» (0:0) гол соқпаған. Осы уақыт аралығында Зинедин Зидан шәкірттері барлығы 42 матчта 113 гол салды. Испания чемпионатының бұл рекорды «Барселонаға» тиесілі. 1942/43 және 1943/44 маусым аралығында каталондық клуб 44 ойын қатарынан қарсыластарын қапы қалдырған. Айта кетейік, «Реал» бірер ай бұрын 40 матч қатарынан ұтылмай «Барселонаның» рекордын жаңартқан. Биылғы маусымда 22 ойыннан 52 ұпай жинаған мадридтіктер турнирлік кестеде көш бастаса, 23 матчтан кейін 51 ұпаймен «Барселона» ізін қуып келеді. Дәл осынша ойынымен 49 ұпай жинаған «Севилья» үздік үштікті түйіндеп тұр.