Мәслихат депутаттары белсенділік танытатын болады

«Қазақстан мәслихаттары депутаттарының бірлестігі»  республикалық қоғамдық бірлестігі бюросының кеңейтілген отырысы болып өтті. Отырыс барысында Мемлекет бас­шысы Н.Назарбаевтың билік тар­мақтары арасындағы өкілеттіктерді қай­та бөлу жөніндегі Үндеуі тал­қы­ланды. Жиынға қатысушылар Елбасының ұсыныстарын қолдап, еліміздің әрі қарайғы дамуында мұндай шаралардың маңызды орын алатындығы жө­нін­де бірауызды байламға кел­ді. Талқылау үстінде кейбір өкі­лет­­тіктердің Үкіметтің құзырына бе­рі­­луі әлеуметтік-экономикалық мін­­д­еттерді тиімді жүзеге асыруға қо­сымша серпін беретіндігі айтылды. Үкімет мемлекет басшысы алға қой­ған стратегиялық міндеттерді то­лық көлемде жүзеге асыруға, қазіргі заманның сын-қатерлеріне дер кезінде үн қатуға, маңызды мемлекеттік бағ­дарламалардың орындалуын ба­қы­лау­ды қамтамасыз етуге қабілетті бол­мақ. Талқылау кезінде халық үшін маңызды шешімдерді әзірлеу мен қабылдау жолында барлық деңгейдегі мәслихаттардың қызметін одан әрі дамыту мәселелеріне де тиісінше көңіл бөлінді. Отырыста сөз сөйлегендер Мемле­кет басшысының Үндеуі елдің дамуын­да­­ғы жаңа кезеңге жол ашатын, ха­лық­­тың әл-ауқатын жақсартуға ба­ғыт­­талған маңызды қадам екендігін ай­­рықша атады. Бюроның кеңейтілген отырысы­ның қорытындысы бойынша бар­лық деңгейдегі мәслихаттар депутат­та­ры­ның сайлаушылармен  кездесу ұйым­дастырып, конституциялық реформалар бағдарламасына қатысты кеңінен тү­сін­діру жұмыстарын жүргізуге және ұсы­ныстар жинақтауға шешім қабыл­данды. Асхат РАЙҚҰЛ, «Егемен Қазақстан»