Үндістаннан келген туристер тобы Алма-Арасан маңында тауға көтерілген. Түсу кезінде екі турист топтан қалып қойып, бағытты өз бетінше жалғастыра алмаған. Олар түнгі уақытта құтқарылды, деп хабарлайды Egemen.kz.
ТЖМ мәліметінше, хабарлама түскеннен кейін оқиға орнына «БАУ» бақылау құтқару бекетінен Алматы қаласы ТЖД құтқарушылары жедел шыққан. Іздестіру барысында туристер «Қыздың көз жасы» сарқырамасынан жоғары орналасқан екінші күркеден табылған.
Маңғыстау облысы шетелдік туристерді ең көп тартатын өңірлердің үштігіне енді
Құтқарушылар оларды қауіпсіз бағытпен Алма-Арасан автотұрағына дейін түсірді. Туристер медициналық көмекті қажет етпеген.
Еске салайық, бұған дейін шетелдік туристердің Алматыда көбіне қай жерлерге баратыны туралы жазған едік.