«Қазгидромет» болжамына сәйкес, жаңа жылдың алғашқы күні ел аумағының басым бөлігінде атмосфералық фронттардың өтуіне байланысты қар жауып, боран соғады, деп хабарлайды Egemen.kz.
Елдің солтүстік-батысында қалың қар жауады деп күтілсе, оңтүстік және оңтүстік-шығыс өңірлерде қар аралас жаңбыр жауады.
Сондай-ақ республика аумағында тұман, көктайғақ және желдің күшеюі болжанып отыр.
«Астанада – күн құбылмалы бұлтты, жауын-шашынсыз, көктайғақ. Түнде ауа температурасы -10… -12 °C, күндіз -7…-9 °C. Алматыда – құбылмалы бұлтты, жаңбыр мен қар, тұман, көктайғақ. Түнде 0…+2 °C, күндіз 0…+2 °C. Шымкентте – құбылмалы бұлтты, жауын-шашынсыз, тұман. Түнде 0…-2 °C, күндіз +5…+7 °C», делінген хабарламада.