Атырау облысында «Бекіре» акциясы басталғалы бері 6 тоннадан астам заңсыз ауланған балық тәркіленді. Браконьерлерге шамамен 12 миллион теңгеге жуық айыппұл салынды, деп хабарлайды Egemen.kz.
Тексеру барысында 50 заңсыз рұқсат құжаты жоқ қайық анықталып, 555 тыйым салынған балық аулау құралдары тәркіленді. Жайық-Каспий бассейніндегі балық қорғау шаралары 31 мамырға дейін жалғасады.
Бекіре балығы мен уылдырығын сатып алушылар жауапқа тартылуы мүмкін
Жайық-Каспий облысаралық бассейндік балық шаруашылығы инспекциясының баспасөз хатшысы Рүстембек Қорқытовтың айтуынша, «Бекіре-2026» акциясы басталғалы бері табиғатты қорғау заңнамасын бұзудың 549 дерегі анықталған. Соның нәтижесінде 401 адам әкімшілік жауапкершілікке тартылды. Сонымен қатар браконьерлік фактілері бойынша 17 қылмыстық іс қозғалған.