Түркияның «Бешикташ» клубында ойнайтын футболшылардың қанша жалақы алатынын түрік журналисі Мұстафа Қаратас жазды, деп хабарлайды Egemen.kz.
Жергілікті журналист өз жазбасында ыстамбұлдық клубта ойнайтын легионерлердің жалақысы тым қомақты екенін сөз еткен. Қаржыны көсіп алатындардың көшін камерундық футболшы Винсент Әбубәкір бастаған, ол 3 миллион еуро көлемінде жалақы алған. Жерлесіміз Бақтиер Зайнутдинов ыстамбұлдық клуб басшылығымен 2027 жылға дейін келісімшарт жасасты. Жалақысы да тәуір – 1,2 миллион еуро тиеді. Өткен жылдың қараша айында Б.Зайнутдинов Түркия ішкі біріншілігінде жарақат алып, мұрны сынды.