Қазақстан құрамасы мен мәскеулік ЦСКА ойыншысы Бахтиёр Зайнутдинов төрт-алты апта бойы алаңға шыға алмайды, деп хабарлайды Egemen.kz meta-ratings.kz-ке сілтеме жасап.
Медициналық тексерістен кейін ойыншының аяқтың төменгі бұлшықеттерінің сіңірлеріне зақым келгені белгілі болды. Бұған дейін футболшы қатарға қосылуға екі ай уақыт қажет екені хабарланған еді.
Айта кетейік, ЦСКА мен «Оренбург» арасындағы жолдастық матчта 24 жастағы ойыншы жараланып қалған.