Бесінші қабаттан құлаған қызды құтқарған Алмат Әмірханов ауруханадан шықты, деп хабарлайды Egemen.kz.
Бүгін оған көңілін сұрап, әріптестері барып қайтты.
- Жеке құрам атынан тезірек толық сауығып, қызметке оралуыңды тілейміз. Біз полиция қатарында азаматтардың қауіпсіздігін қамтамасыз ету бойынша өз борышын лайықты орындайтын осындай қызметкерлердің барын мақтан тұтамыз, - деді Арқалық қаласы ПБ бастығының орынбасары полиция подполковнигі Нұрбол Марқабайұлы.
Еске салайық, 7 қаңтарда патрульдік полиция қызметкері көпқабатты үйдің балконынан құлаған қызды құтқарғаннан кейін бірнеше жерін жарақаттап, аяғынан зақым алған болатын.
- Қолдауларыңыз үшін рахмет. Еліміздің түрлі аймақтарынан көптеген жылы лебіздер жетіп жатыр. Мен үшін қатты уайымдағандарына ризамын. Қазір өзімді жақсы сезінемін, қызметке шығуға дайындалып жатырмын, - деді полиция аға лейтенанты.