Астанада өткен АӨСШК саммитінің пленарлық отырысында аталған ұйымды толыққанды халықаралық ұйымға айналдыру жоспарлары талқыланды.
Айта кетейік, АӨСШК-ге алдағы екі жылға, яғни 2022-2024 жылдарға төрағалық ету қайтадан Қазақстанға берілді. Қорытындысында Астана декларациясы және басқа да құжаттар қабылданды. Негізгі мақсаты мен қызметі – Азия континентінде бейбітшілік пен қауіпсіздікті қамтамасыз етудің көпжақты тәсілдерін дамыту арқылы ынтымақтастықты нығайту болып табылатын Азиядағы өзара іс-қимыл және сенім шаралары жөніндегі кеңестің 6-саммиті Қазақстан Республикасының 30 жылдығына орайластырылған.