Бүгін, яғни, 24 қаңтардан 25 қаңтарға ауған түні Қазақстан құрамасы футзалдан Нидерланды елінде өтіп жатқан Еуропа чемпионатында екінші ойынын өткізеді, деп хабарлайды Egemen.kz.
Гронинген қаласында өтетін ойында Қазақстан құрамасы Финляндия елінің жігіттерімен кездеседі. Алғашқы турда күтпеген жерден Словения құрамасымен ұпай бөліскен ұлттық құрама үшін екінші ойын – шешуші ойын. Қазақстандық Parimatch букмекерлік кеңсесі бұл жұпта Қазақстан құрамасын анық фаворит санап отыр. Жалпы қалай болған күнде де доданы жалғастырудан үміті болса, бүгінгі ойында ұлттық құрама жеңуі тиіс.