Саясат • 15 Мамыр, 2026

Таир Нигманов: Қазақстан мен Түркия қатынастары стратегиялық сенім негізінде дамып келеді

Қазақстан мен Түркия арасындағы стратегиялық серіктестіктің қазіргі даму бағыты мен перспективалары, сондай-ақ Еуразиялық кеңістіктегі геосаяси үдерістер туралы саясаттанушы Таир Нигмановпен сұхбаттастық. Сарапшы екі ел арасындағы ынтымақтастықтың негізгі бағыттарына тоқталып, оның институционалдық және практикалық қырларын талдады. Сұхбат барысында Қазақстан мен Түркия қатынастарының бүгінгі деңгейі, сауда-экономикалық байланыстардың өсуі, инвестициялық жобалар мен логистикалық инфрақұрылымның дамуы кеңінен сөз болды. Сонымен қатар білім беру, мәдени-гуманитарлық байланыстар және түркі интеграциясының жаңа форматтары да назардан тыс қалмады. Сарапшы Еуразиядағы тұрақтылықты қамтамасыз етудегі Кавказ бен Таяу Шығыс факторының маңызын ерекше атап өтіп, Түркия мен Қазақстанның өңірлік және жаһандық деңгейдегі үйлесімді ұстанымдарын талдады. Сондай-ақ мемлекет басшылары деңгейіндегі жеке дипломатияның рөлі мен оның екіжақты қарым-қатынастарға әсері де жан-жақты қарастырылды.