Басылым • 19 Ақпан, 2025
Сауық Мәсіғұтқызы сыр шертеді...
Еліміздің мәдениеті мен өнеріне ерекше үлес қосқан диктор, Қазақстанның еңбек сіңірген әртісі Сауық Жақанованың 80 жасқа толған мерейтойына орай Алматыдағы Ұлттық кітапханада «Сахара сандуғашы» атты кітаптың таныстырылымы өтті.
Театр • 18 Ақпан, 2025
Ұйғыр театры сахнасындағы «Қозы вә Баян»
Еліміздегі этностық театрлардың жағдайы, олардың қалай тыныстап, көркемдік жетекшілері мен режиссерлерінің нендей мәселеге бас ауыртатыны сол этностың өзіне ғана емес, көпұлтты мемлекетті мекендеп, өнерін өрістетіп отырған халықтың қай-қайсысын да қызықтыратын толғамды сұрақ.
Көрме • 18 Ақпан, 2025
Т.Жүргенов атындағы Қазақ ұлттық өнер академиясына оқуға түсіп, белгілі қылқалам шебері Жұмақын Қайрамбаевтың шеберханасынан білімін шыңдап шыққан Оралбек Қабөке – танымал кескіндемеші. Тың тақырыптағы туындыларынан ертерек танылған талант көптеген республикалық және халықаралық көрмелерге қатыса жүріп, өзінің де жеке көрмелерін өткізіп, бұл күнде заманауи бейнелеу өнеріндегі белсенді әрі белгілі суретшілердің біріне айналды.
Руханият • 06 Ақпан, 2025
Әдеби шығарма өзегі – әлеуметтік дерт
Тұрмыстық зорлық-зомбылық – нашақорлық, ішімдік секілді ең өткір әлеуметтік мәселе. Қорғансыз әйел мен балаға қарсы қылмыстың күн сайын өршіп бара жатқаны бүгінде жеке адамның емес, қоғамның дертіне айналды. Үй қорқауларының қорлығына үнсіз көніп, ішкі күйзелісін ешкімге тіс жарып айта алмай, өмір сүріп жүрген әйелдер мен балалардың мұң-қайғысын немесе олардың отбасынан безіп, өзіне-өзі қол жұмсауға дейін жеткізген оқиғалардың жиілей бастау қаупін сейілту тек құзырлы орындардың ғана қолында емес екенін тұтас қоғам түсінді. Жұрт болып жұмылып қарсы тұратын ауыр дерт сан қырынан сарапталып, себебі талданып жатқан тұста, бұл тақырыпты зерделеу өнер мен әдебиетте де көркем тәсілдермен көрініс тауып жатыр.
Өнер • 01 Ақпан, 2025
Алматыда «Birlik» ансамблі өнер көрсетті
«Almaty Theatre» сахнасында Роза Бағланова атындағы «Қазақконцерт» мемлекеттік академиялық концерттік ұйымы «Birlik» ансамблінің концерті өтті. Мәдениет және ақпарат министрлігінің қолдауымен ұйымдастырылған Гала-концерт – Қазақстан халқы Ассамблеясының 30 жылдығын мерекелеу аясындағы 2025 жылдың басты оқиғаларының бірі.
Сұхбат • 31 Қаңтар, 2025
Ақұштап БАҚТЫГЕРЕЕВА: Жүрегімнің үні – сыршылдық пен шыншылдық
– Ақұштап апай, туған өлке Оралдан жастық шақтан бауыр басқан, ақын болып танылған Алматыға көшіп келіпсіз. Құтты болсын! Ұлттың рухани дүниесі, Қадыр ағаның ғұмыр бойы үкілеп ұстаған, классик ақын сүйіп оқыған керемет кітапханасы «Қадыр орталығына» айналды. Сіздің де жиып-терген кітапханаңыз осал бола қоймас. Оны не істедіңіз? Көшіріп әкелдіңіз бе, әлде елде қалдырдыңыз ба?
Көрме • 22 Қаңтар, 2025
Қас-қағым сәт мәңгілікпен ұштасқанда...
Ә.Қастеев атындағы Мемлекеттік өнер музейінің Орталық көрме залында Суретшілер одағының мүшесі, Алматы облысының үздік суретшісі атанған Марат Тотеевтің «Бір сәттің мәңгілік бейнесі» атты жеке шығармашылық көрмесі ашылды. Экспозицияда суретшінің портрет және табиғат жанрындағы 150-ге жуық туындысы ұсынылды.
Басылым • 27 Желтоқсан, 2024
«Алашорда ісі» ғылыми айналымға енеді
Отандық тарихтың олқы тұсын түгендеп, рухани болмысты бүтіндеу жолында қолға алынған іргелі ғылыми жоба – «Алашорда ісі. 1920–1940 жж. Құжаттар мен материалдар» атты 12 томнан тұратын тарихи-құжаттық жинақ екі жылға жуық әзірленіп, күні кеше жарық көрді. Жинаққа Ішкі істер министрлігінің, Ұлттық қауіпсіздік комитетінің, Бас прокуратураның арнайы мемлекеттік архивтерінде құпия сақталып келген ХХ ғасырдағы саяси қуғын-сүргінге қатысты құжаттар енгізілді. Олардың қатарында бұрын жарияланбаған 3 мыңнан аса құжат және фотосурет бар. Жинақ Мемлекеттік кеңесші Ерлан Қариннің жалпы редакциясымен жарияланды.
Театр • 24 Желтоқсан, 2024
Театр тынысы: кәсіби сыншылар бағасы
«Қазақстан театр сыншылары» бірлестігі биыл алтыншы рет «Сыншылар жүлдесі» марапаттау кешін ұйымдастырды. Алғашқы жылы сахна шығармашылығына сараптама жүргізген сыншылар бес аталым аясында ғана үздіктерді анықтаса, марапат саны биыл мейлінше еселене түскен. Үздіктерді іріктейтін мерейлі дода шығармашылық өкілдерінің шабысына қанат бітіріп, шабытына дем беріп, жаңа белестерді бағындыруға мүмкіндік сыйлайтын мақсаты мен маңызын жыл сайын арттырып келеді. Дегенмен Қазақстандағы 70-тен аса театрдың 53-інің 2024 жылы атқарған жұмысын қорытындылап, өз тарапынан кәсіби бағасын берген сыншылардың да сахна шығармашылығы төңірегіндегі үрдіс пен үдерістер туралы, табысталған жүлдеге байланысты туындап қалған кейбір сыни ой-пікір мен өкпе-назға орай айтатын өз уәж-пайымы бар. «Театр сыншылары бірлестігінің» төрағасы, Т.Жүргенов атындағы Қазақ ұлттық өнер академиясының профессоры, өнертану кандидаты Анар ЕРКЕБАЙ, Т.Жүргенов атындағы Қазақ ұлттық өнер академиясының профессоры, өнертану докторы Бақыт НҰРПЕЙІС, М.Әуезов атындағы Әдебиет және өнер институты Театр және кино бөлімінің меңгерушісі, өнертану кандидаты Аманкелді МҰҚАН, Т.Жүргенов атындағы Қазақ ұлттық өнер академиясының профессоры, өнертану кандидаты Меруерт ЖАҚСЫЛЫҚОВА, Т.Жүргенов атындағы Қазақ ұлттық өнер академиясының оқытушылары, өнертану магистрлері, Жансая ТҰРМАҒАНБЕТ пен Бейбіт ӘЛКЕЕВА басылым ұйымдастырған дөңгелек үстелде жыл бойы атқарылған жұмыстың нәтижесін талдап, жүлденің бүгіні мен болашағына алаңдаушылығын білдірді.
Кино • 19 Желтоқсан, 2024
«Бастау» – қанатқақты жобалар қолдаушысы
Алматыда дәстүрлі түрде өтіп келе жатқан ХІІ халықаралық «Бастау» студенттер мен дебюттік фильмдердің кинофестивалі мәресіне жетті. Кинофестивальға қатысуға ниет білдірген жақын шетелдерден бөлек, Түркия, Иран, Гонконг, Италия, Сербия, Нидерланды, Мексика, Польша секілді әлемнің әр түкпіріндегі елдерден жалпы саны 500 өтінім келіп түскен. «Bastau Shorts» конкурстық бағдарламасы аясында көркем, деректі және анимациялық қысқаметрлі дебюттік фильмдер сарапқа салынып, олардың ішінен 28 елдің 43 картинасы іріктеліп алынды.
