Жоба • 01 Қараша, 2023
Инвестициялық жобалар пысықталды
Түркістан қаласына кіреберіс тұстағы өндіріс аймағында көкөніс сақтайтын заманауи қойма салынбақ. Келесі жылдың алғашқы жартыжылдығында ел игілігіне тапсырылатын қоймада жалпы 4 мың тонна көкөніс, оның ішінде 2 мың тонна картоп, 1 мың тонна пияз, 250 тонна сәбіз сақталады. Сонымен бірге қырыққабат сақтайтын камералары да іске қосылады, 35 адам жұмыспен қамтылады. Ал 500 тонна көкөніс құрғақ қоймада орналастырылады.
Аймақтар • 01 Қараша, 2023
Инфрақұрылымды жаңғырту – жаңа экономикалық үлгіге көшу жолы
Халық саны жыл сайын қарқынды түрде өсіп келе жатқан Түркістан облысында тиісінше инфрақұрылым нысандарына деген қажеттілік артып жатыр. Бұл орайда облыс әкімдігі барлық мүмкіндікті пайдаланып, тұрғындардың жайлы тұрмысын қамтамасыз етуге басымдық беріп келеді. Алайда өңір халық сұранысын жақын арада және толық қанағаттандыру үшін қаржылай қолдауды қажет етеді. Мемлекет басшысы Қасым-Жомарт Тоқаев биылғы Жолдауында инфрақұрылымның әбден тозуы халықтың тұрмыс сапасына тікелей әсер ететінін, индустрияландыру қарқынын да тежейтінін айтты. Осы орайда облыста шешімін табуды қажет ететін бірқатар мәселе бар.
Туризм • 18 Қазан, 2023
Түркістан қаласында түркі елдерінің туристік форумы өтті. Түркі әлемінің туристік астаналары арасында өзара тиімді ынтымақтастық орнату, 2024 жылы түркі әлемінің келесі астанасы ретінде Түркістан қаласымен таныстыру мақсатындағы форумға Түркі мемлекеттері ұйымы өкілдері, Түркістан облысы мен Қоқан қаласының әкімі, Туризм және спорт министрлігі, түркі елдерінің туризмге қатысты министрліктері, орталық және жергілікті мемлекеттік органдардың басшылары қатысты.
Экономика • 13 Қазан, 2023
Ішкі нарықтағы отандық өнімнің орны
Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында алдағы үш жыл ішінде агроөнеркәсіптегі өңделген өнім үлесін 70 пайызға жеткізу қажеттігін айтты. Бұл – нақты міндет. «Осы ретте 100-ден астам ірі тауарлы сүт фермасы салынып жатқан Солтүстік Қазақстан облысының жетістіктері көпке үлгі. Шаруалардың тәжірибесі мол, жемшөп қоры да жеткілікті. Оған қоса байыпты қолдау шаралары қолға алынған. Осының бәрі тұтаса келе тәп-тәуір нәтиже беріп отыр», деді Президент.
Тұлға • 26 Қыркүйек, 2023
«Алатау мен Қаратау түйіскен төр, мөлдірлік пен сұлулық сүйіскен жер» дейтін, бір таудың екіншісіне ұласатын аумақтағы Мархабат көкемнің Пістелі ауылына келе жатырмыз. Көкем Бозторғай асуының аузында дүниеге келгенмін дейтін. Асудың ішінде бозторғайлар кәдімгі жусанның, бетеге, шытыр, ерменнің түбіне ұя салатынын айтатын. Түркібасы төбесін таныдық, Жанымайдың жотасын жорамалдадық. Көкем жазған. Пістеліге апарар жол бойындағы Азаттықтағы қорымнан бозторғайдың шырылы естілгендей болды. Тыныштықты ерекше сүйетін құс та іздегенін көкемнің мәрмар тастан қашалып қабірінің басына қойылған кітаптан тапты ма екен? Қорымға аялдап, анасының қасына жерленген Мархабат көкеме арнап құран бағыштадық...
Экология • 13 Қыркүйек, 2023
Суды үнемдеу – басты қажеттілік 223 канал, 208 су қашыртқысы, 149 тік дренаж күрделі жөндеуден өтеді
Шаруаға қажетті ағын су мәселесі – Түркістан облысының мақталы аудандарында өте өзекті. Яғни Жолдауда көтерілген ауыл шаруашылығын дамытуға қатысты мәселелер «ақ алтынды» Мақтаарал ауданы үшін маңызды болып тұр.
Мектеп • 25 Тамыз, 2023
Түркістан облысындағы кей мектептерде жаңа оқу жылына дайындық енді қыза бастағандай, құрылыста да жанталасқан әрекет. Кейінгі жылдары сыбайлас жемқорлықпен, түрлі қылмыстық оқиғалармен «танымал» болған өңірдің білім саласында, мектептердің құрылысы мен күрделі жөндеуден өткізілуі бекітілген кестеден кешігуі үлкен даулардың тууына түрткі болғалы тұр. Өйткені жаңа оқу жылына дайындық көңіл көншітпейді. Дегенмен облыс әкімдігі ай соңына дейін түзелер азын-аулақ шаруа болмаса, мектептер оқу жылына дайын деп отыр.
Аймақтар • 16 Тамыз, 2023
Жуырда Түркістанда өткен халықаралық конференцияда мамандар Арал теңізінің тартылуы, түбінің тұздануы оған жақын орналасқан көрші мемлекеттер мен еліміздің бірнеше өңіріне, оның ішінде Түркістан облысындағы бірқатар аудан, елді мекендерге де табиғи кері әсерін тигізіп жатқанын айтып, алаңдаушылық білдірді. Арал ұлтанына өсімдіктер егу және сексеуіл алқабын отырғызу – тұздың ұшпауына тосқауыл болатын жалғыз жол екені де айтылды. Бұл орайда Президент тапсырмасына сәйкес Арал аймағы экологиясын оңалту бағытында 2025 жылға дейін аңқасы кепкен теңіздің 1,1 млн гектар аумағына сексеуіл тұқымы егілуге тиіс.
Пайдалы қазбалар • 23 Маусым, 2023
Уыстағы ураннан ұлысқа пайда бар ма?
«Қазатомөнеркәсіп» ҰАК» акционерлік қоғамына қарасты уран өндіруші 20-дан астам кеніштің 15-і Түркістан облысында орналасқан. Статистикалық мәліметке сәйкес өңірдің тау-кен өндіру өнеркәсібі және карьерлерді қазу саласында өткен жылы 425,4 млрд теңгенің өнімі өндірілген. Алдыңғы жылы бұл көрсеткіш 350,0 млрд теңге болған екен.
Форум • 04 Маусым, 2023
Бағалаушылардың Түркістандағы басқосуы
Түркістанда Орталық Азия және Түркі әлемі бағалаушыларының І халықаралық форумы өтті. Маңызды басқосуда бағалау қызметінің өзекті мәселелері талқыға салынып сарапшылар өзара тәжірибе алмасты. Пленарлық отырыста Түркия, Әзербайжан, Өзбекстан, Қырғызстан және өзге де мемлекеттерден келген бағалаушылар өз пікірлерін айтты. Бағалау қызметін дамыту, тәжірибе алмасу бағытында да маңызды баяндамалар жасалды.
