Шымкент • 07 Желтоқсан, 2023
Шымкент қаласында 5 мыңға жуық волонтер бар. 12 еріктілер ұйымы қызмет көрсетеді. Осы ұйымға мүше жастар шаһардың түрлі әлеуметтік іс-шараларына белсене атсалысады. Қоғамды жақсартуға, ізгілендіруге өз тараптарынан қолдау білдіреді. Еріктілер адам күші қажет ететін түрлі іс-шаралар мен акциялар, бастамалар үшін таптырмас көмек. Сол үшін оларды мемлекеттің көмекшілері, қарапайым халықтың қызметшілері десек жарасады.
Бокс • 07 Желтоқсан, 2023
Шымкенттік ару Айсұлу Мұхит бокстан әлем чемпионы атанды. Осы спорт түрінен Армения астанасы Ереванда ұйымдастырылған жасөспірімдер арасындағы чемпионатта қазақ қызы алтын медаль иеленді. 66 кг салмақ дәрежесінде бақ сынаған спортшымыз ақтық айқаста румыниялық Амалия Тугуяны 3:2 есебімен жеңіп шықты.
Шымкент • 16 Қараша, 2023
Қайта түлеген Фосфоршылар сарайы
Көп жылдан бері қараусыз қалып, әбден тозығы жеткен бұрынғы Фосфоршылар мәдениет үйі енді Жастар сарайы ретінде халыққа қызмет етеді. Қуанышты хабарды Шымкент қаласының әкімі Ғабит Сыздықбеков әлеуметтік желідегі жеке парақшасында жариялады.
Шымкент • 13 Қараша, 2023
Қауіпсіздік ережесі адам тағдырынан басталады
Қара күздің келуімен Шымкентте төтенше жағдай қызметінің жұмысы күшейеді. Өйткені тұрғындар тарапынан ыстан уланып қалу қаупі жоғарылайды. Газ қондырғысы да осындай кезде қауіптің көзіне айналады. Солардың алдын алу үшін төтенше жағдай қызметі халықты құлақтандырып, профилактикалық жұмыстарға белсене араласып жатыр.
Қоғам • 07 Қараша, 2023
Қаржылық сауатсыздық құрдымға кетіреді
Биыл Шымкентте экономикалық тергеу департаменті жалған энергетикалық сусындар шығаратын жасырын цехты анықтады. Дәл осындай жағдай мұның алдында да болған. Департамент ыдыс-аяқ жуатын химиялық тұрмыстық зат жасау бойынша экономикалық қылмысты әшкере еткен еді.
Музей • 02 Қараша, 2023
Шымкент қалалық саяси қуғын-сүргін құрбандары музейі 1937-1938 жылдары репрессиядан опат болған немесе қуғындалған азаматтардың есімін мәңгі сақтау, сол зұлмат оқиғаларды тарихта, ұрпақтар жадында қалдыру мақсатында ашылған. Құнды жәдігерлерге толы музейде жыл сайын осы тақырыпқа орай түрлі басқосу мен жиын ұйымдастырылады.
Шымкент • 23 Қазан, 2023
Республика күні қарсаңында Шымкент қалалық әкімдігінің, Қазақстан өзбектері «Дустлик» қауымдастығының, қалалық этномәдени бірлестігінің ұйымдастыруымен «Достық дастарқаны» – Шымкент палауы-2023» фестивалі өтті.
Мирас • 22 Қазан, 2023
Республика күні қарсаңында Шымкентте «Күміс қалам – 2023» поэзиялық сайысы ұйымдастырылды. Биыл үшінші жыл қатарынан өтіп жатқан конкурсқа еліміздің әр өңірінен үміткерлер жиналды. Сайыс шарты бойынша 14-35 жас аралығында жазба ақындар өзара сынға түсті.
Құтқарушы • 19 Қазан, 2023
Олардың жұмысы қауіп-қатерге толы. Күн сайын қызмет барысында басын бәйгеге тігеді. Өйткені адам өмірі бәрінен маңызды. Сол үшін өздерін құрбан етуге бар. Әңгіме кімдер жайында екенін аңғарған боларсыздар. Әрине, құтқарушылар туралы. Құтқарушылардың кәсіби мерекесіне орай олардың күн сайынғы ерлігін жазғымыз келді. Алайда ажалмен бетпе-бет жұмыс істейтін кәсіп иелері өзін бейбіт күннің батыры деп санамайды. Олар үшін адамды құтқару – ерлік емес, міндет. Сондықтан да төтенше жағдай қызметіндегі барша мамандарға алғыстан басқа айтарымыз жоқ.
Шымкент • 17 Қазан, 2023
Жаңадан тағайындалған Шымкент қаласының әкімі Ғабит Сыздықбеков басшылықтың тізгінін қолға алғалы әртүрлі сала өкілдерімен мәселе талқылау үшін бірнеше мәрте кездесу өткізді. Алдымен ардагерлермен, сосын журналист, блогерлермен, кейін мәдениет саласының майталмандарымен жүздесті. Жуырда өткен тағы бір жиында кәсіпкерлермен кездесті.
