Бұрынғы Жогорку Кенеш депутаты Шайырбек Тәшиев ұсталды. Ол «Қырғызмұнайгаз» АҚ-дағы жемқорлық фактісі бойынша қозғалған қылмыстық іс аясында қолға түсті. Бұл туралы Қырғызстанның Ішкі істер министрлігі мәлімдеді, деп хабарлайды Egemen.kz.
Ішкі істер министрлігі жүргізген тергеу барысында бұрын Жогорку Кенеш депутаты болған, Қамшыбек Тәшиевтің туған інісі Шайырбек Ташиев ұсталды. Қазіргі уақытта ол Бішкек қалалық ішкі істер басқармасының уақытша ұстау изоляторына қамалды.
Қамшыбек Тәшиев екі бірдей іс бойынша куәгер ретінде жауап беріп жатыр
Қылмыстық іске негіз болған жағдай – Салық қызметі жүргізген тексеріс нәтижесінде анықталған ірі көлемдегі қаржылық жымқыру фактілері. Аталған деректерге сәйкес, мемлекеттік компания көлеңкелі делдалдық схемаларды пайдалану және шикізатты күмәнді есептен шығару салдарынан 4 миллиард сомнан астам шығынға ұшырады. Бұл шығындар делдалдық «сұр» схемаларды енгізу және шикізатты күмәнді түрде есептен шығару арқылы орын алған. Тергеу барысында жүргізілген қаржылық талдау нәтижесінде пайда табудың үш арнасы анықталып, олар бұрынғы басшылыққа жақын адамдармен байланысты болуы мүмкін екені айтылған.
Қырғызстан президенті Қамшыбек Тәшиевті қызметінен босатты
Бұған дейін Бішкек қаласының Первомай аудандық соты «Қырғызмұнайгаз» ісі бойынша төрт фигурантты 2026 жылдың 16 мамырына дейін қамауға алған болатын. Сондай-ақ осы іс аясында бұрын Ұлттық банк басшысы болған Мелис Тургунбаев та ұсталған, алайда кейін сот оның бұлтартпау шарасын үй қамағына ауыстырған.