Биылғы химия саласындағы Нобель сыйлығы Жапониядан Сусуму Китагаваға, Аустралиядан Ричард Робсонға және Иордания тумасы, АҚШ ғалымы Омар Ягиге берілді. Олар металды-органикалық каркас (MOF) деп аталатын жаңа материал түрін әзірлегені үшін марапатталды.
Бұл құрылымдар металл иондары мен органикалық молекулалардың байланысы арқылы түзіледі. Нәтижесінде, ауадағы газдарды, тіпті суды сіңіріп, қайта бөліп шығара алатын ерекше «тор» пайда болады. Мұндай материалдар болашақта энергия сақтау, суды тазарту және қоршаған ортаны қорғау саласында кеңінен қолданылмақ.