Цифрландыру жағдайында интернет-алаяқтық қылмыстарының саны күрт өсіп келеді. Сол орайда азаматтарды қорғау үшін Ішкі істер министрлігі жүйелі шараларды жүзеге асырып жатыр, деп хабарлайды Egemen.kz.
Нақты атағанда, ерте әрекет ету жүйелері енгізіліп жатыр, күмәнді қоңыраулар мен транзакциялар бұғатталады. Тек соңғы айларда ғана 2,6 млрд теңгеден астам қаржы ұрлығының алды алынды.
Жедел қызметтер алаяқтар пайдаланған 88 мыңнан астам SIM-картаны тәркілеген, сондай-ақ 67 млн-нан астам жалған халықаралық қоңыраудың жолы кесіліп отыр. Бұдан бөлек, Министрлік алдын алу жұмыстарын белсенді жүргізіп жатыр. Атап айтқанда, мектеп оқушыларына, студенттерге және зейнеткерлерге арналған семинарларда қауіпті алаяқтық іс-қимылдарды тани білу және қаржыны қорғау жолдары үйретіледі.