Француз әртісі Мишель Лотито жұртты өзінің ерекше «диетасымен» таңғалдырған. Ол мүлде жеуге келмейтін заттарды жеуімен танымал болды. Көрсетілімдерінде велосипедтерді, теледидарларды және әйнек, металл, резеңке секілді заттарды жұта беретін.
Ең таңғаларлық әрекеттерінің бірі – «Cessna 150» ұшағын бөлшектеп, оны екі жыл ішінде түгел жеп бітіруі. Шоу алдында ол асқазанын «майлап», тамақтану кезінде көп мөлшерде су ішіп отырған. Статистика бойынша, Лотито өзінің мансабында шамамен 9 тонна металды жеп тауысқан.