Қанатқақты бастаманың артықшылығы

Қанатқақты жобаны іске асыру қол­даныстағы шара­ларды жүйе­леп, тиім­сіз төлемдерді азайтады, мұқ­таж аза­маттардың мемле­кеттік қол­­дау­дың игілігін көруіне жол ашады, оларды қам­тамасыз ету жө­ніндегі бизнес-үде­рістің ашық­тығын арттырады. Премьер-министрдің тапсырмасы бо­йынша Еңбек және халықты әлеуметтік қорғау, Оқу-ағарту, Денсаулық сақтау, Ішкі істер, Мә­дениет және ақпа­рат, Туризм және спорт, Цифрлық даму, ин­нова­циялар және аэроғарыш өнер­кәсібі министрліктерімен бірлесіп Шым­кент қаласында мемлекеттік қол­дау шараларын цифрландыру бойынша ілкімді жобаны іске қосу бағытында жұмыс тобы құрылды.

Жұмыс тобы 11 мемле­кеттік қызмет түрін нақтылады:

1) «Жоғары және (немесе) жоға­ры оқу орнынан кейінгі білім беру ұйымдарында сту­денттерді жатақ­ханамен қам­тамасыз ету»;

2) «Азаматтардың жекелеген санаттарын, сондай-ақ қорған­­шы­лықтағы (қамқоршылықтағы) және патронат­тағы, жоғары оқу орындарының студенттері мен білім алушыларын тегін тамақпен қамтамасыз ету»;

3) «Мүмкіндігі шектеулі балаларды үйде оқытуға жұмсалған шығындарды өтеу»;

4) «Жалпы білім беретін мектеп­тердегі білім алушылар мен тәрбие­ленушілердің жекелеген санаттарын тегін және жеңілдетілген тамақтан­дырумен қамтамасыз ету»;

5) «Мемлекеттік білім беру ұйым­дары студенттері мен тәрбиеле­ну­шілерінің жекелеген санаттарына саяжай және мектеп жанындағы лагерьлерде демалуды қамтамасыз етуге құжаттарды қабылдау және жолдамалар беру»;

6)«Білім беру ұйым­дарының сту­ден­т­тері мен тәрбие­ле­ну­шілеріне қаржылық және мате­риал­дық көмек көрсету»;

7) «Техникалық және кәсіптік, орта білімнен кейінгі білім беру ұйым­дарында білім алушыларды жатақ­ханамен қамтамасыз ету»;

8) «Азаматтардың жекелеген санаттарын, сондай-ақ қор­ған­шы­лықтағы (қамқор­­шы­лық­тағы) және патронат­тағы адамдарды, техникалық және кәсіптік, орта білімнен кейінгі білім беру ұйымдарының білім алушылары мен тәрбиеленушілерін тегін тамақпен қамтамасыз ету»;

9) «Жеке тұрғын үй қорынан жалға алынған тұрғын үйді жалдау ақысының бір бөлігін субсидиялауды тағайындау және жүзеге асыру»;

10) «Тұрғын үй көмегін көр­сету»;

11) «Спортшылар мен жат­тық­ты­­ру­­­шыларға өмір бойы ай сайын­­ғы мате­риал­дық көмек тө­леу».

Игі бастаманы іске асыру бизнес-үдерістерді автомат­тан­ды­руға, қайта­ла­натын функция­ларды анықтап, жоюға, көмек көрсету мониторингін жақсартуға мүмкіндік береді.

Жобаның тағы бір артық­шы­­­лы­ғы – отбасыларды 6 санатқа – төтенше қа­жеттіліктен (азық-түлік­ке қаражаттың жетіс­пеу­шілігі) жоға­ры әл-ауқатқа (қаржылық қиын­дықтардың бол­мауы) дейін бөлетін үй шаруа­шы­лықтарының әлеумет­тік-эко­номикалық осалдығы мен тұрақ­ты­лығын бағалаудың балдық үлгі­сі қолданылады. Негізгі мақсат – ресурс­тарды шынымен мұқтаж азаматтардың пайдасына қарай негіз­деу, оның ішінде 6-санатқа (әл-ауқатының деңгейі жо­ға­ры болған жағдайда) жататын азамат­тарға көмек көрсетуден бас тартылады.

Балдық модель 23 әлеумет­тік-демог­рафиялық һәм эконо­ми­калық критерийлер негізінде қалыптаса­ды. Бұл ретте екі немесе одан да көп тұрғын үй бірлігінің, бір немесе бір­неше кө­лік құралының, тіркел­ген заңды тұл­ға­лардың (жеке кәсіпкер­лер, жауап­кершілігі шектеулі серіктес­тіктер) болуы, сондай-ақ отба­сының әрбір мүшесіне орташа жан басына шаққандағы табысы ең төменгі күнкөріс деңгейінің 4-тен асуы сияқты факторлардың жиынтығы бар отбасылар әл-ауқат деңгейі жоғары үй шаруашылықтары саналады.

Мемлекеттік қолдау шараларын тағайындау азаматтарды сол немесе басқа санатқа жатқызу нәтижелері бойынша автоматты түрде жүзеге асырылады.

Осы тәсілдерді іс жүзінде жүзеге асыру үшін «Қазақстан Респуб­ли­касының Еңбек және халықты әлеу­меттік қорғау министрлігінің цифр­лық платформасында білім беру, халықты әлеуметтік қорғау, тұрғын үй қатынастары, дене шынықтыру салаларында кейбір мемлекеттік қызметтер көрсету жөніндегі қанатқақты жобаны іске асыру тура­лы» бірлескен бұйрық әзірленді.  Әрі барлық мүд­делі мемлекет­тік органдармен келісіл­ді. Құжат нор­мативтік құқықтық акті­лерінің эталондық бақылау бан­кінде ресми жарияланғаннан кейін қолданысқа енгізілмек.