• RUB:
    6.31
  • USD:
    512.34
  • EUR:
    582.07
Басты сайтқа өту
Оқиға 21 Сәуір, 2025

БҚО-да жантүршігерлік жол апатынан екі жасөспірім көз жұмды

40 рет
көрсетілді

Жол апаты бүгін, 21 сәуір күні сағат 11:00 шамасында Батыс Қазақстан облысы, Байтерек ауданына қарасты Переметное – Белес автожолында болған, деп хабарлайды Egemen.kz.

Облыстық полиция департаментінің мәліметінше, Jac N56 жүк көлігі мен ВАЗ-2110 маркалы жеңіл автокөлігі соқтығысып, салдарынан  15 және 17 жастағы бозбалалар оқиға орнында көз жұмған.

Қазіргі уақытта жол апатына қатысты қылмыстық іс қозғалып, оқиғаның нақты себептері мен мән-жайы анықталып жатыр.

«Полиция департаменті марқұмдардың отбасыларына қайғыра көңіл айта отырып, ата-аналарды балалардың қауіпсіздігіне мұқият болуға шақырады. Сонымен қатар, жол қозғалысына қатысушыларға жол ережелерін қатаң сақтау қажеттігін ескертеміз», делінген хабарламада.