Астана қаласында бокстан өтіп жатқан жазғы Спартакиада ойындарында 80 келі салмақтың финалдық жекпе-жегі әлем чемпиондары арасында өтті, деп хабарлайды Egemen.kz.
Тартысты айқаста 2019 жылы Ресейде өткен әлем біріншілігінің чемпионы маңғыстаулық Бекзат Нұрдәулетов Астана қаласының боксшысы, осы жылы Өзбекстанда өткен әлем чемпионатының жеңімпазы Нұрбек Оралбайға есе жіберді.
«Барымды салдым, Бекзат осал қарсылас емес. Ендігі меже келесі жылы Италия елінде өтетін лицензиялық турнирде жолдама олжалау. Одан кейін Париж жазғы Олимпиадасының медалін иеленуге барымды салам. Қазақ еліне Олимпиада алтынын тарту етуге барымды салам», деді Нұрбек Оралбай.