Қала әкімінің өкімімен Серік Әділбаев Алматы қаласы Экология және қоршаған ортаны қорғау департаментінің басшысы болып тағайындалды, деп хабарлайды Egemen.kz.
Серік Әділбаев Қазақ аграрлық университетін бітірген, әр жылдары орман шаруашылығы мекемесінде және қаланың табиғатты қорғау инспекциясында жұмыс істеген. Коммуналдық салада да еңбек етті.
2016-2021 жылдар аралығында Бостандық ауданы әкімінің орынбасары қызметін атқарған. 2021 жылдан бастап орынбасары, 2022 жылдың наурыз айынан бастап экология және қоршаған ортаны қорғау департаменті басшысының міндетін атқарушы қызметін атқарған.