Түркияда коронавирусты жұқтырудың жаңа 12 оқиғасы тіркелді. Қазіргі уақытта коронавирус жұқтырғандардың жалпы саны 18-ге жетті. Бұл туралы Түркияның Денсаулық сақтау министрлігінің басшысы Фаахреттин Коджа Twitter парақшасында жазды.
- Вирус жұқтырудың жаңа 12 оқиғасы тіркелді. Қазіргі уақытта жалпы саны - 18 адам коронавирус жұқтырды, - деп жазды ведомство басшысы.
Оның айтуынша, коронавирусқа тапсырған сынамасы оң нәтиже берген екі науқас COVID-19 вирусын бірінші жұқтырғандармен байланыста болған.
Сондай-ақ ол ауру жұқтырғандардың жетеуі - Еуропа елдерінде және үшеуі – АҚШ-та болғанын атап өтті.