Инфрақұрылым • 04 Сәуір, 2024
Инфрақұрылым игілігі – халыққа
Жақында өткен Ұлттық құрылтай отырысында Мемлекет басшысы Қасым-Жомарт Тоқаев Үкімет алдына ауқымды міндеттер қойды. Соның ішінде ірі инфрақұрылымдық бастамалар айтылды. Президент айтқан салалар – тұрғын үй-коммуналдық шаруашылық нысандарын жөндеу және жаңғырту, баспана құрылысы, жолдарды жөндеу және газдандыру жұмысы болатын. Жауапты министрліктер осы бағыттардың әрқайсысы бойынша тиісті жұмысты бастап кетті. Алда нақты көрсеткіштер бар және ол бойынша барлық мемлекеттік орган, әкімдіктер, квазимемлекеттік сектор мен бизнес компаниялар тартылатын болады.
Байқау • 03 Сәуір, 2024
Жақында «Ауыл» партиясының ұйымдастыруымен «Хан шатыр» сауда ойын-сауық орталығында «Ауыл нақыштары» республикалық фотобайқау жеңімпаздарын марапаттау рәсімі өтті. Былтыр 1 қыркүйектен бастап жарияланған байқаудың басты мақсаты – шынайы көрініс пен әсем табиғаты арқылы ұлт бесігі ауылға, оның тұрмыс-тіршілігіне көпшілік назарын аудару, еңбек адамының қоғамдағы мәртебесін көтеру.
Халық • 03 Сәуір, 2024
Қолдауға қаржылық ұйымдар да жұмылды
Республикадағы 12 өңір су тасқынынан зардап шекті. Су астында қалған ауыл, суға ыққан төрт түлік, бұзылған көпір, жарылған жол туралы ақпарат толастар емес. Ендігі амал – елдік танытып, үрей құшағындағы халыққа ес болуға ұмтылыс. Жұдырықтай жұмылып жанашырлықпен жәрдем көрсету. Қапыда соққан қарғын судан кейін қолына құжатын ғана ұстап қалған ағайын халіне алаңдаған Президент те арнайы тапсырма берді. Қаржылай және материалдық қолдау легі басталып кетті.
Қоғам • 03 Сәуір, 2024
Тақырыпты оқи сала «апыр-ау, рас па?» дерсіз. Бір өтірігі жоқ. Өткен жылдары «Айгөлек» деген автоқалам сатылды. Анығында, сырттан тасымалданған осы тауардың сыртына әлгіндей атау жазып, отандық өнім деп дабырайтыппыз. Жалпы, кеңсе тауары өндірісіне келгенде жұмыс әжептәуір ақсап тұр. Отандық өндірушілер оқу мен кеңсе тауарларының аздаған түрін ғана шығарады екен. Ондай шағын өндірістер Алматы мен Шымкент қаласында бар.
Депозит • 02 Сәуір, 2024
Жиған қаржысын қалай сақтандыруды білмей, іштей дағдаратындар жоқ емес. Бірі депозитке салғанды жөн көреді. Енді бірі пәтер немесе жер сатып алып қояды. Тіпті біреулер ақшаны алтынға айналдырған дұрыс деп есептейді. Оған да себеп бар. Өйткені жыл сайын алтын бағасы өспесе, төмен түскен емес. Әрқилы нұсқаның өзіндік қисыны мен ақиқаты бар. Таңдау жасау оңайға түспейді. Десе де...
Қаржы • 02 Сәуір, 2024
Исламдық қаржыландыру: Қамту аймағы кеңейіп келеді
Елімізде жаңа ислам депозиттерінің көлемі 2,8 трлн теңгеге жетеді деп болжанған. Ақпарат «Астана» халықаралық қаржы орталығының (АХҚО) алаңында өткен Қазақстандағы исламдық қаржыландыруды дамыту нарығы бойынша есептің тұсаукесерінде айтылды.
Шаруашылық • 28 Наурыз, 2024
С.Сейфуллин атындағы Қазақ агротехникалық зерттеу университетінде Қазақстан-Чех халықаралық аквамәдениет орталығы ашылды. Ол жерде жаңа әдістерді қолдана отырып, балық пен суда өсетін басқа да тұқымдар зерттеледі, оларды көбейту жұмыстары жүргізіледі. Қазір мұндағы балық өсіру цехында африкалық жайын, тиляпия, көксерке, бекіре өсіріліп жатыр. Австралиялық көк шаян мен теңіз шаяны да бар.
Шаруашылық • 28 Наурыз, 2024
Қауіпті ауру қозбасын десек...
Былтыр республикадағы мал ауруының 19 түрі бойынша 235 ауру ошағы тіркелген. Нақтыласақ, Қостанай, Жамбыл, Ақтөбе, Шығыс Қазақстан, Қарағанды, Абай облыстарында анықталған. Ауыл шаруашылығы министрлігі мәліметінше, кейінгі үш жылда қабылданған түрлі шараның нәтижесінде дерттің таралуы 41,2%-ға кеміген. Аса қауіпті ауруларға қарсы вакцина алуы үшін де аз қаржы бөлінбейді. Былтыр 11,4 млрд теңгеге 167,2 млн доза вакцина сатып алынған.
Қаржы • 28 Наурыз, 2024
Қазақстан Ұлттық банкі алаяқтық жиілеп кеткенін ескертіп отыр. Олар өзінің «құзыретін» дәлелдеу үшін жалған құжат істеп, тұтынушыларға көрсетеді екен.
Баға • 28 Наурыз, 2024
Қараша түскеннен қазақтың мал байлап, соғым қамына кірісетіні бесенеден белгілі. Әсіресе жылқы етін аңсайтындар көп. Дегенмен әр үй шамасына қарай ірі қарасын іріктеп, көрпесіне қарай көсіледі. Қысы қатал өңірде тұратын халықтың соғымға келгенде тартына бермейтін дағдылы әдеті секілді, көктем келсе де етке деген сұраныс әзір кеміген жоқ. Алайда күн санап құбылып тұрған сол ет бағасының қалтаға мол салмақ салатыны тағы бар.