Чехияда балалар мінген автобус апатқа ұшырады

АСТАНА. 7 қаңтар. Чехияның солтүстік-шығысында белоруссиялық балалар мінген автобус апатқа ұшырап, 15 бүлдіршін түрлі дене жарақатын алды. Бұл туралы ТАСС ақпарат агенттігіне сілтеме жасаған egmen.kz тілшісі хабарлады. Жол апаты Чехияның Горжички мен Ческа Скалице елді-мекен аралығында орын алды. Автобус ішінде 49 адамнан құралған саяхатшылар тобы болған. Олар Прага қаласынан Вроцлавқа бет алған түзеген. «Ауруханаға 15 адам жатқызылды. Оның ішінде екі бала жан сақтау бөлімінде. Зардап шеккендердің бәріне медициналық көмек көрсетілуде. Сондай-ақ, аман қалған саяхатшыларды үйлеріне жеткізу үшін Белоруссиядан Чехияға арнайы автобус жолға шықты», – дейді ведомствоның баспасөз хатшысы Дмитрий Мирончик. Айта кетейік, Сыртқы істер министрлігі Белоруссия елшілігінің Чехияда полиция қызметкерлерімен, құтқарушылармен, саяхатшылар компаниясымен байланыста екенін мәлімдеді. Аян Әбдуәли. Дерек: ТАСС. Сурет: ria.ru.