Кездесу барысында тараптар Қазақстан Республикасы Парламенті Сенатының депутаттарын сайлауында халықаралық байқауды ұйымдастыру мәселелері бойынша пікір алмасты. Б.Имашев Ортсайлаукомның ТМД Миссиясының байқаушыларына сайлауды байқауды ұйымдастыруда ақпараттық және басқа да барлық қажетті көмек көрсетуге дайын екендігін білдірді.
ТМД байқаушылары миссиясының Қазақстандағы, соның ішінде Сенат депутаттарын сайлау бойынша жұмыс тәжірибесі үлкен. Байқаушылар миссиясының пікірі бойынша, сайлауға әзірлік құқықтық кеңістікте, демократиялық негізде өтіп жатыр.
ТМД байқаушылары байқаудың нәтижелері бойынша өзінің тұжырымдары мен ұсынымдарын сайлау науқаны аяқталған бойда жұртшылықтың назарына ұсынуды көздеп отыр.
«Егемен-ақпарат»
