Израиль мен Ливан ұзақ уақыттан бері алғаш рет Вашингтонда тікелей келіссөздер бастады. Бұл диалог АҚШ-тың арағайындығымен өтіп жатыр, деп хабарлайды Egemen.kz.
Келіссөздер АҚШ Мемлекеттік департаменті ғимаратында ұйымдастырылды. Онда Ливанның АҚШ-тағы елшісі Нада Хамаде және Израильдің АҚШ-тағы елшісі Йехиэль Лейтер өз елдерін таныстырды. АҚШ тарапынан бірқатар жоғары лауазымды өкілдер, соның ішінде мемлекеттік хатшы Марко Рубио қатысты.
Израильдің Ливанға жасалған шабуылынан 45 адам зардап шекті
Кездесу басталар алдында тараптар қысқаша фотоға түсіп, кейін жабық есік жағдайында келіссөздерді жалғастырды.
Марко Рубио бұл кездесуді ұзақ мерзімді процестің бастауы ретінде бағалап, барлық мәселелер бірден шешілмейтінін, бірақ алға жылжуға мүмкіндік бар екенін айтты. Израиль өкілі Йехиэль Лейтер болса, кездесуден тек оң нәтиже күтетінін жеткізді.
Соған қарамастан, Израиль Ливанның оңтүстігінде әскери операцияларын жалғастырып жатыр. Бұл қадам «Хезболлаға» қарсы бағытталғаны айтылған. Бұған дейін шекара маңындағы қақтығыстар салдарынан жүздеген адам қаза тауып, мыңдаған адам жараланғаны хабарланған.
Израиль Иранның энергетикалық нысанына соққы жасады
Қазіргі келіссөздер АҚШ арағайындығымен аймақтағы шиеленісті азайтуға бағытталған алғашқы маңызды қадамдардың бірі болып саналады.